ЕАҚЖ

Су жолы көлігі иесінің азаматтық-құқықтық жауапкершілігін ерікті сақтандыру

Қазақстан Республикасының азаматтық заңнамасымен белгіленген су жолы көлігін пайдалану нәтижесінде үшінші тұлғалардың (зиян шегушілердің) өміріне, денсаулығына және/немесе мүлігіне келтірілген шығын өтемақысын төлеу міндетіне байланысты сақтандырылған тұлғаның мүліктік мүддесі су жолы көлігі иесінің азаматық-құқықтық жауапкершілігін сақтандыру нысаны болып табылады.

Сақтандыру сомасы:

1) жауапкершіліктің бірлескен шекті көлемі;
2) бір немесе бірнеше сақтандыру жағдайы бойынша жауапкершіліктің шекті көлемі;
3) әрбір немесе барлық сақтандыру жағдайлары бойынша әрбір сақтандыру тәуекелі жауапкершілігінің шекті көлемі;
4) жеке тұлғаға келтірілген зиян үшін жауапкершілік шекті көлемі және мүлікке келтірілген зиян үшін жауапкершілік шекті көлемі мөлшерінде тараптардың келісімімен белгіленеді.

Сақтандыру жағдайы — су жолы көлігін пайдалану нәтижесінде оның иесінің азаматтық-құқықтық жауапкершілігінің туындау тәуекелі.

Сақтандыру төлемі мүлікке келтірілген залал мөлшерінде жүзеге асырылады, бірақ ол сақтандыру сомасынан аспауы тиіс.

«Үшінші тұлғалардың өмірі мен денсаулығына келтірілген залал» тәуекелі бойынша сақтандыру төлемі шығын өтемақысы мөлшерінде жүзеге асырылады, бірақ ол сақтандыру сомасынан аспауы тиіс.