Мұнай операцияларын сақтандыру
Өз ішінде:
- мүлікті сақтандыруды;
- скважинаға бақылаудың жасалмауына байланысты күтпеген шығындарды сақтандыруды;
- үшінші тұлғалардың өміріне, денсаулығы мен мүлігіне және қоршаған табиғи ортаға келтірілген зиян үшін азаматтық-құқықтық жауапкершілікті сақтандыруды қамтиды.
Мұнай операцияларын жүргізу барысында:
1) мүліктің бүлінуіне және жойылуына байланысты;
2) скважинаға бақылау жасалмауына байланысты күтпеген шығындардың туындау тәуекеліне байланысты;
3) үшінші тұлғалардың өмірі мен денсаулығына келтірілген зиянға байланысты туындаған сақтанушының мүліктік мүддесі сақтандыру нысаны болып табылады.
Сақтандыру жағдайына:
1. Жер бетінде және теңізде пайдаланылатын сақтандырылған мүліктің төмендегі жағдайлардың салдарынан бүлінуі немесе жоғалуы (жойылуы):
- өрт, жарылыс, дауыл, боран, тасқын, нөсер, бұршақ, найзағайдың түсуі, судың басуы;
- мұнайдың, газдың күтпеген жерден залалды заттарының шығарылуы;
- скважинаның бақылаусыз қалуы.
2.Жердің астында пайдаланылатын бұрғылау және басқа да құралдардың төмендегі жағдайлардың салдарынан бүлінуі немесе жоғалуы (жойылуы):
- өрт және жарылыс;
- мұнайдың немесе газдың күтпеген жерден залалды заттарының шығарылуы;
- кратердің, грифонның, шұңқырдың күтпеген жерден пайда болуы.
3. Төмендегі жағдайлардың салдарынан скважиналардың бақылаусыз қалуы және шығындардың туындауы:
- скважинаға бақылау жасауды қалпына келтіру және соған әрекет жасау бойынша;
- құрғақ жердің бетіндегі немесе теңіз түбіндегі саңылаудағы, басқа да саңылаулардағы өртті сөндіру және соған әрекет жасау бойынша;
- сақтандырылған скважинаның жанып кетуіне немесе бақылаудан шығып кетуіне қауіп төндіретін басқа да өртті сөндіру бойынша;
- сақтандырылған скважиналардың немесе оның кез келген учаскесін қайта қалпына келтіру немесе қайталап бұрғылау бойынша.
4. Үшінші тұлғалардың өмірі мен денсаулығына келтірілген зиянның салдарынан азаматтық-құқықтық жауапкершіліктің туындауы жатады.
Сақтандыру сомасы:
1) мүлік құнының көлемінде;
2) скважинаны қалпына келтіруге кеткен шығын мөлшерінде;
3) шығын өтемақысының мөлшерінде, тараптардың келісімімен белгіленеді.
Сақтандыру тарифі — сақтандыру сомасының 0,2%-нан 1,5%-на дейінгі мөлшерде.
