Қайырлы күн, біз шетелге шығатын тұлғаларды сақтандыру ісімен айналысамыз. Сақтандыру полисін рәсімдеу үшін Сізге 3 201 459 (Алматы қ.) телефонына хабарласу қажет. Полисті Есентай (бұрынғы Весновака) өз. қиылысындағы Ботаникалық бульвары, Қазтрансгаз кеңсесіндегі медциналық сақтандыру бөлімінде немесе мекен-жайлары мен телефондары сайтта көрсетілген аймақтық кеңселерде рәсімдеуге болады.

Қайырлы күн,
1. Сақтандыру шарты жыл сайын рәсімделіп тұруы қажет (несиені алар кезде сақтандыру шарты несиенің толық мерзіміне жасалған жағдайлардан бөлек жағдайларда).
2. ҚРО банкінің агентінде (сақтандыру компаниясының өкілінде) сақтандыру шартын жаңа мерзімге рәсімдеуіңізге болады.
3. Айыппұл жазалау шараларының мөлшері мен олардың өтеу тәртібін банк менеджерінен сұрай аласыз, себебі ол сақтандыру компаниясының емес, банктің қолданатын жазалау шараларына жатады.
4. Сақтандыру полисін жоғалтып алған жағдайда, сақтандыру компаниясына ұсыныс жасап, полистің телнұсқасын алуға немесе алдыңғы полистің қызмет мерзімін білуге болады. Оған қажетті мәліметтер: адамның тегі, СТН-і, жеке басының куәлігі.

“Қазкоммерц-Полис” СК” АҚ депозиттерді құнсызданудан сақтандыруды жүзеге асырмайды.

Қайырлы күн, сақтандыру агенттігін ашу үшін ешқандай лицензияның қажеті жоқ. Сақтандыру агенті жеке тұлға немесе ЖК (жеке кәсіпкер) ретінде тапсыру шартының негізінде сақтандыру компаниясының атынан сақтандыру полистерін сату қызметін жүзеге асыруға құқылы.

ҚР сақтандыру қызметі жөніндегі заңының 18,18-1 баптары.

Қайырлы күн. Сіздің сұрағыңызға төмендегі мәліметтерді ұсынамын:

1. Сақтандыру полисін ҚРО Банкінің мынадай мекен-жайы бойынша рәсімдеу қажет: Жібек жолы көш., Қонаев көш. қиылысы. Полисті рәсімдеуді бірінші қабаттағы агент жүргізеді.
2. Сақтандыру шартын банк базасына тіркеу және қажетті құжаттарды жинау үшін полисті бір уақытта банкке (банкке арналған данасын) ұсыну мақсатында полистің рәсімделуін міндетті түрде ҚРО-да жүзеге асыру қажет.
3. Егер өткен жылғы сақтандыру сомасы КҚ-ның нақты құнына тең болса және несие шарты да өткен жылы жасалған болса, онда бұл жылғы сақтандыру сомасы өткен жылғы соманың 10%-дық мөлшерінде белгіленеді. Сақтандыру сыйлықақысының мөлшері Сіз таңдаған сақтандыру бағдарламасына сай белгіленеді. Бағдарламаны агент арқылы таңдауға болады.

Полис бойынша уақытша еңбек қабілеттілігі деңгейін жоғалтуға, мүгедектікке, өлімге әкеп соқтыратын жазатайым жағдайлары сақтандыру жағдайына жатқызылады.

ҚР-ның сақтандыру қызметі жөніндегі заңына сәйкес, «Денсаулыққа зиян келтірген, соның ішінде жарымжандыққа немесе өлімге әкеп соқтырған Сақтандырылушының ағзасына сыртқы механикалық, электрлік, химиялық және термиялық әсердің келтірілуі нәтижесінде адамның еркінен тыс кенеттен, уақытша орын алған оқиғасы (уақиғасы)» жазатайым жағдай ретінде танылады.

Жүктілік жазатайым жағдайға жатпайды. Сондықтан жүктілік бойынша төлем жүргізілмейді.