Түсініктеме
Агенттік келісім
тараптар арасында жазбаша түрде бекітілетін тапсырыс шарты, ол бойынша бір тарап (сақтандыру агенті) екінші тараптың (сақтандыру ұйымы) атынан және соның тапсырысы бойынша, сыйақы үшін заңнамада көзделген өкілеттілік шегінде сақтандыру шарттарын бекіту бойынша делдалдық қызметтер атқарады.
Агенттік сыйақы
Сақтандырушының сақтандыру агентіне сақтандыру шартын жасау бойынша делдалдық қызмет көрсеткені үшін жасайтын төлемақысы.
Азаматтық-құқықтық жауапкершілікті сақтандыру
- автокөлік иелерінің азаматтық-құқықтық жауапкершілігін сақтандыру;
- әуе көлігі иелерінің азаматтық-құқықтық жауапкершілігін сақтандыру;
- су көлігі иелерінің азаматтық-құқықтық жауапкершілігін сақтандыру;
сияқты сақтандыру түрлерін қоспағанда, белгілі бір тұлғаның барлық тәуекелдерді сақтандыру нәтижесінде, оның үшінші тұлғаға келтірілген шығынның орнын толтыру міндетімен байланысты мүліктік мүддесіне келтірілген шығынды толық немесе бөлшекті көлемде сақтандыру төлемін жүзеге асыруды қарастыратын сақтандыру түрлерінің жиынтығы.
Алдын алу шаралары
Сақтандыру жағдайының басталуының алдын алу мақсатында жасалатын шаралар. Сақтанушы сақтандыру жағдайының алдын алу үшін өз құзіретіндегі шаралардың барлығын жасауға, яғни тиісті мүлік сақтандырылмағандай қимылдауға міндетті.
Арбитраж
кәсіпорындар, ұйымдар, мекемелер арасындағы мүліктік дауларды шешу үшін, сондай-ақ шарт тараптарын орындамауға байланысты құрылған мемлекеттік немесе халықаралық ұйым.
Барлық тәуекелдер
сақтандыру ережесінде көзделген барлық тәуекелдерді сақтандырушы жабатын сақтандыру талабы. Бірақ бұл талапты сақтандыру әрбір және кез-келген шығынды өтейді деп емес, тек тәуекелдерді жабады деп түсіну керек.
Бас полис
сақтанушының сақтандырушымен жасаған келісімі бойынша – біртектес тауарлар (тауарлар, жүктер және с.с.) жиынының әр түрін ұқсас талаптар бойынша жүйелі сақтандыру белгілі бір мерзімде, бір шарт негізінде, сақтанушыға бас полис беру әдісімен жүзеге асырыла алады. Бас полис бойынша жүктер жіберу және кез-келген жеткізу орындарына дейін, яғни полисте келісілген бүкіл кезең ішінде, атап айтсақ, көліктің кез-келген түрімен тасу, ауыстырып тиеу мен теңселу, қауіпті асулардан өту, сондай-ақ тасымалдауға дейінгі және одан кейінгі уақытта қоймаларда сақтау кезінде толығымен сақтандырылған болып есептеледі.
Брокер
сақтанушының тапсырысы бойынша сақтандырушымен сақтандыру шартын бекіту және оның талаптарын орындаумен байланысты қатынастарда сақтанушының мүддесін қорғайтын, немесе өз атынан сақтандыру, қайта сақтандыру шарттарын бекіту, сондай-ақ сақтандыру және қайта сақтандыру мәселелері бойынша кеңес беру қызметін жүзеге асыратын делдалдық міндет атқаратын заңдық тұлға.
